Fräizäitaktivitéite fir d'Gemeng Esch/Alzette

De Naturschutzzenter Ellergronn bitt erliefnesorientéiert Aktivitéiten un, duerch déi d’Kanner mat Freed d’Natur op spilleresch Aart a Weis entdecken an erliewen. D'Sënner vun de Kanner ginn duerch Spill a  Beweegung stimuléiert, hir Kreativitéit gefërdert an esou gi si fir de Bësch, den Natur- an Ëmweltschutz sensibiliséiert.

Eis Aktivitéite fannen an der Schoulzäit dënschdes an donneschdes nomëttes vu 14h00 - 16h00 statt. An de Schoulvakanzen ginn zousätzlech och Aktivitéite moies ugebuede. D’Horaire kënne flexibel un Är Besoine ugepasst ginn, gitt dofir wgl. de gewënschten Horaire bei der Umeldung un.

D’Unzuel u Kanner ass pro Grupp op 15 Kanner begrenzt! (Aus Sécherheetsgrënn ass bei ausgewielten Aktivitéiten déi maximal Unzuel u Kanner reduzéiert)

Denkt wgl. u fest Schong an u Kleedung, déi fir eng Aktivitéit am Bësch gëeegent sinn! Weider Infoen am PDF-Dokument "Safety_DE_FR_PT_EN"

E Grill steet op Ufro zur Verfügung.

 

Wichteg: Fir d'Aktivitéit "Mir bauen e Camp am Bësch" mussen déi 4 Seancen zesumme gebucht ginn! Wann dir um Camp interesséiert sidd, mee een Datum iech net zouseet, da mellt iech wgl. schnellstméiglech bei eis, esou kënne mir zesummen en Alternativdatum fannen.

 
Lëscht vun den Aktivitéiten am Schouljoer 2026/2027:
  • Chillen a spillen am Bësch                                                       2 bis 12 Joer
  • Entdeckungsrees vun de Sënner                                             3 bis 4 Joer
  • De Bësch erliewen                                                                    3 bis 5 Joer
  • Insektesafari                                                                             3 bis 10 Joer
  • Natur spilleresch erliewe mat alle Sënner                                3 bis 6 Joer
  • Achtsamkeetsspiller                                                                 4 bis 12 Joer
  • Schmuck aus dem Bësch (max. 10 Kanner)                           4 bis 12 Joer
  • Land Art                                                                                    5 bis 12 Joer
  • Kleng Ënnerstëtzung fir d’Villercher                                         6 bis 10 Joer
  • Botz-Aktioun                                                                             6 bis 12 Joer
  • Survival-Mëtten (max. 10 Kanner)                                          6 bis 12 Joer
  • Kleng Planzschoul                                                                    6 bis 12 Joer
  • Op der Sich no Fosilien                                                            6 bis 12 Joer
  • Mir bauen e Camp am Besch (4 Seancen!)                             6 bis 12 Joer
  • Science Fiction am Besch                                                         6 bis 12 Joer
  • Zeechestëfter aus Holz                                                             6 bis 12 Joer
  • Feier? Jo! Awer clever!                                                              7 bis 12 Joer
  • Holzspiller hierstellen (max. 10 Kanner)                                   7 bis 12 Joer
  • Aféierung an d’Schnëtzkonscht (max. 10 Kanner)                   8 bis 12 Joer
  • Fit duerch d’Joreszäiten (max. 10 Kanner)                              8 bis 12 Joer
  • Let's fetz! - Mountainbike Expeditioun (max. 8 Kanner)           9 bis 12 Joer

 

Weider Infoen zu den Aktivitéiten hei ënnendrënner an am PDF Dokument.

  • // Natur erleben im Naturschutzgebiet
  • // Minen entdecken im früheren Abbaugebiet
  • // Pädagogisch wertvolle Themen
  • // Bei Fragen, rufen Sie uns an unter +352 247 56 516
Dauer2 Stunden
Teilnehmerpro Grupp max. 15 Kanner (bei ausgewielten Aktivitéiten ass eng reduzéiert maximal Unzuel uginn)
Wichtige Informationen

D'Auerzäit um Ticket gëlt just als Referenz. An der Reegel fannen d'Aktivitéite vun 14.00 - 16.00 Auer statt (an de Vakanz och moies vun 9.00-11.30), ausser Dir hutt eng aner Auerzäit bei der Buchung uginn.

Mir bieden Iech pünktlech op Är gebuchten Aktivitéit ze kommen an eis bei all Programmännerung oder Ofso direkt ze informéieren ([email protected] / 247 56516).

Zusätzliche InformationenDépliant Centre Ellergronn.pdfSafety_DE_FR_PT_EN.pdfFräitzäitprogramm 2026-2027 Esch.pdf

Weitere Informationen

- Chillen a spillen am Bësch : 2 - 12 Joer
Mir verbréngen e flotte Moment am Bësch. Mir kënnen eis an der Hängematt entspanen oder einfach am Bësch eiser Fantasie fräie Laf loossen. Mir kommen erof a genéissen eis Zäit an der Natur.

- Entdeckungsrees vun de Sënner :  3 - 4 Joer
Et gëtt vill Spannendes am Bësch ze entdecken. Kommt mat op eng Entdeckungsrees, wou all eis Sënner gekëddelt ginn. Zesummen erliewe mir déi wonnerbar Natur hautno.

- De Bësch erliewen : 3 - 5 Joer
Vu lauter Bësch gesi mir d’Beem net! Dobäi si Beem spannend Liewewiesen, déi intressant Geschichten ze zielen hunn, souwäit mir hinne richteg nolauschteren. Wärend eiser Rees duerch de Bësch entdecke mir zesummen seng Villsäitegkeet. Kommt an erlieft de Bësch op eng angeneem Aart a Weis.

- Insektesafari: 3 - 10 Joer | nëmmen am 3. Trimester
Wat krabbelt, spréngt a flitt dann do? Ausgestatt mat enger Becherlupp tauche mir an an d’Räich vu Kiewerlek, Päiperlek & Co a fannen dobäi eraus, wat et alles Interessantes ze entdecke gëtt an där verbuergener Welt laanscht de Wee.

- Natur spilleresch erliewe mat alle Sënner : 4 - 8 Joer
Kucken, Richen, Héieren, Taaschten, Schmaachen… Mir loossen eis vum Bësch verzauberen an erliewen d’Natur hautno an intensiv ënnert engem ongewéinleche Bléckwénkel. D’Wëssensvermëttlung steet manner am Vierdergrond.

- Achtsamkeetsspiller : 4 - 12 Joer
Gi mir wierklech achtsam duerch den Alldag? Kréien mir wierklech ëmmer alles mat? Mir maachen e puer Übungen.

- Schmuck aus dem Bësch (max. 10 Kanner) : 4 - 12 Joer
Mir maache Ketten, Réng oder Frëndschaftsbännecher. Mir wäerten Hielenner seeë goen, Bampärelen sammelen, schielen, schläifen a bueren.

- Land Art :  5 - 12 Joer
Land Art schwätzt all Sënner un, reegt d’Kreativitéit un an hëlleft d’Schéinheet vun der Natur wouer ze huelen. D’Baue vun engem fäerdege Konschtwierk steet net am Vierdergrond, mee mat deem ze baue wat d’Natur äis ubitt, wéi zum Beispill: Steng, Buedem, Blieder, Äscht,…

- Kleng Ënnerstëtzung fir d’ Villercher :   6 - 10 Joer I 1. & 2. Trimester
Fir de Villercher am Wanter ënnert d’Flilleken ze gräifen, bastele mir hinne Fudder mat Hëllef vun Dillendäpp. Déi kënnt dir och gär mat heem huelen.

- Botz-Aktioun : 6 - 12 Joer
Kommt wgl. mat an hëlleft äis d’Spadséierweeër ze botzen. Et gi leider nach ëmmer Mënschen, déi hiren Offall einfach esou an d’Natur geheien. Merci am Viraus fir är Mathëllef!

- Survival-Mëtten (max. 10 Kanner) : 6 - 12 Joer
Mir léieren eist Feier unzemaachen, setzen eis gemittlech ronderëm a kënnen eise Bengel schnëtzen. Wa mir genuch Zäit hunn, da maache mir eis en Deeg fir Stockbrout. Esou iwwerliewen mir de Mëtteg an der schuckeleger Wiermt vum Feier.

- Kleng Planzschoul : 6 - 12 Joer
Mir versichen aus Käschten, Eechelen a Bichenecker kleng Beem grousszezillen. Dir musst dës Nëssfriichte gutt versuergen, esou datt se wuesse kënnen. Geléngt dat, kënne mir déi jonk Beem geziilt am Fréijoer aplanzen.

- Op der Sich no Fossilien : 6 - 12 Joer
Viru ± 183 Millioune Joer war och an Esch e Mier. Wann mir gutt sichen, fanne mit och ouni Hummer a Meessel verstengert Mieresdéieren, och Fossilie genannt! Kommt mat op eng Rees an d'Vergaangenheet.

- Mir bauen e Camp am Besch :  6 - 12 Joer  Wichteg ! Et musse 4 Seance gebucht ginn!!
Bei dësem nohaltege Projet geet et drëms, aktiv a kreativ matzewierken beim Opbau vun engem Camp. Et gëtt ëmmer eppes ze maachen, fir d’Ariichtung mei funktionell a méi gemitterlech ze gestalten. Mir bauen en Dësch, zwou Bänken, en Dach, eng Etagère, eng Feierplaz, eng Wäschstatioun,…

 - Science Fiction am Bësch : 6 - 12 Joer
Héi wäerte mir Blieder, Moos a wann dir wëllt, gestuerwen Insekte méi genee ënnert dem Mikroskop kucken a staunen. WOW-Effekt garantéiert.

- Zeechestëfter aus Holz : 6 - 12 Joer
Aus Holz kënnt dir so munches hierstellen. Eppes dovun ass Zeechekuel. Sidd dir intresséiert wéi een déi hierstellt? Da kommt bei eis a gitt gewuer wéi een Äscht schneit, schielt an erhëtzt.

- Feier? Jo! Awer clever! : 7 - 12 Joer I 1. & 2. Trimester
Feier ka spannend sinn, wann ee weess, wéi et geet! Bei dëser Aktivitéit léiers du, wéi een op eng sécher a spaasseg Aart mam Feier ëmgeet – ganz ouni sech ze verbrennen!

- Holzspiller hierstellen (max. 10 Kanner) :  7 - 12 Joer
Mir stellen eis eegen Gesellschaftsspiller aus Holz hier, déi mir um Enn dierfe mat an d'Maison relais huelen. Eist handwierklecht Geschéck an eis Kreativitéit ass gefrot. Mir schläifen d'Holz, schnëtzen d'Spillfiguren a molen d'Spillfeld.

- Aféierung an d’Schnëtzkonscht (max. 10 Kanner) :  8 - 12 Joer
Ween huet Loscht schnëtzen ze léieren? Wéi en Holz brauche mir dofir? Mam Fauschtgrëff ginn déi éischt graff Schnëtt duerchgefouert an de feine Schlëff bréngt Detail an de Projet. Mir stäerken eis Feinmotorik, eis Koordinatioun esou wéi eis Konzentratioun.

- Fit duerch d’Joreszäiten (max. 10 Kanner) :  8 - 12 Joer
Kommt mat op e sportlechen Entdeckungstour durch den Ellergronn, wou mir déi gesond Loft am Bësch genéissen a méi wäitleefeg Deeler vum Naturschutzgebitt entdecken.

- Let's fetz! - Mountainbike Expeditioun (max. 8 Kanner) :  9 - 12 Joer | nëmmen am 3. Trimester
Heimat luede mir iech an op e spannende Mountainbike-Tour duerch den Ellergronn. Mir stäerken eisen Ekippegeescht, léieren eis Grenze kennen an entdecken ënnerwee interessant Naturphänomener. Wichteg Konditioun: D’Kanner musse Vëlo fuere kënnen!

 
Wunschtermin auswählen und Erlebnis buchen.